Jæja þá er fyrstu umferðinni lokið í 3.deildinni og má með sanni segja að liðin hér við djúp hafi ekki riðið feitum hesti frá viðureignum sínum á móti GG.  Við hjá BÍ tókum þeim fagnandi í gær á gervigrasvellinum á Torfnesi í roki og á köflum snjókomu takk fyrir.  Að mínu mati var þessi leikur í okkar höndum allan leikinn og þeir áttu ekki skot að marki okkar í fyrrihálfleik og 2 í þeim seinni enda með vindi, við náðum að skapa okkur nokkur góð færi en líkt og man.utd komum við tuðrunni ekki inn í markið á þessum degi.  En það sem stendur uppúr finnst mér að liðið er að taka framförum frá degi til dags og miðað við það að vera eitt af því reynsluminnsta í 3.deildinni í ár að þá fannst mér við spila ágætlega og svo sannarlega óheppnir að fá ekki 1-3 stig út úr þessum leik í gær og lít ég á framtíðina björtum augum ef við höldum áfram að bæta okkur.  GG verður að fá hrós fyrir þessa ferð sína hingað vestur þeir tóku 6 stig af 6 mögulegum því þeir tóku UMFB 5-2 í dag og eru þetta úrslit sem ég held að enginn hafi reiknað með!! 

En nú er bara að byggja sig upp fyrir næsta leik sem er á næsta laugardag á móti Víði í garði.  Næsta æfing er svo á Þriðjudaginn klukkan 18:30.

Þið sem sáuð leikinn hjá BÍ í dag gegn GG hvernig fannst ykkur þessi leikur?  Persónulega tel ég okkur eiga það sameiginlegt við Fylki að framið var rán á heimavelli okkar í fyrstu umferð.

Á morgun kl 12 verður háður á Torfnesvelli fyrsti leikur BÍ á þessu tímabili í 3. deild.  Leikmenn GG koma í heimsókn og mikil eftirvænting og spenna er komin í mannskapinn fyrir þennan leik.  Allir eru staðráðnir í að gera sitt besta í leiknum og reyna að koma 3 stigum í hús fyrir leikinn.  Eins og staðan er í riðlinum núna er BÍ efst í deildinni og það stendur ekki til að breyta því neitt.  Nú taka allir leikmenn því rólega í kvöld og byrja að einbeita sér að verkefni morgundagsinns en ef að leikurinn við GG vinnst þá hefur ónefndur leikmaður liðsinns lofað að halda partý annaðkvöld og þá veður væntanlega gaman.  Um að gera að allir mæti á leikinn á morgun og styðji sína menn til sigurs.   Áfram BÍ.

">">

Bakarinn mun án efa straua einn, tvo eða þrjá GG menn á morgun.....

Það má með sanni segja að fallið út úr Evrovision nú rétt í þessu hafi komið BÍ að gagni því nú er það staðfest að Selma kemur heim á morgun og mun skemmta í hléi í leik BÍ vs. GG á laugardag, þar mun hún meðal annars syngja, dansa magadans og fækka fötum ef BÍ verður yfir í hálfleik og undirritaður verði búinn að skora

Kv Ásgeir Guðmundsson

Á laugardaginn kemur, kl 12.00 verður flautað til leiks í fyrsta leik BÍ þetta sumar og verða mótherjarnir að þessu sinni leikmenn GG frá Grindavík.  Þessi lið hafa aldrei áður mæst í íslandsmóti en hið forna knattspyrnulið Ernir frá ísafirði hefur mætt GG tvívegis.  Margir aðdáendur BÍ hafa spurt undirritaðan hvaða leikmenn við höfum misst og hverja við höfum fengið frá síðasta tímabili og til þess að svara því kemur hérna lítil upptalning á því.

Komnir:   

Jón Helgi Guðnason  frá Núma

Þröstur Pétursson frá FH

Halldór Hlöðversson frá Hetti (tímabundið)

Farnir:

Atli Þór Jakobsson í Breiðablik

Benedikt Birkir Hauksson í Keflavík

Benedikt Emilsson í Hrunamenn

Halldór Ingi Skarphéðinsson í Bolungarvík

Haukur Benediktsson í Bolungarvík

Hálfdán Daðason í Fjölni

Kristján Fannar Ragnarsson í Magna Grenivík

Óskar Örn Hálfdánarsson  Hættur

Pétur Georg Markan í Fjölni

Pétur Már Sigurðsson í Skallagrím

Rúnar Geir Guðmundsson í Bolungarvík

Sigþór Snorrason í Keflavík

Tómas Emil Guðmundsson í Fjölni

Þórður Jensson í HK

Alexander Ilic  hættur

Srdan Scoric  hættur

Þetta gera samtals 3 leikmenn komnir og 16 leikmenn hættir eða farnir í önnur lið.  Eins og flestir gera sér í hugarlund er þetta mikil blóðtaka fyrir lítinn klúbb en þeir sem eftir standa eru ákveðnir í að láta sitt ekki eftir liggja og bera merki félags sína hátt á lofti í sumar.  Mikið af ungum strákum munu spila í liðinu í sumar og verður forvitnilegt að sjá árangurinn.  Þess má geta að eingöngu 5 leikmenn úr leikmannahópi BÍ núna spiluðu leiki fyrir BÍ síðasta sumar en það eru Ellert Örn Ellertsson, Ásgeir Guðmundsson, Guðmundur Guðjónsson, Sigurgeir Gíslason  og Ívar Pétursson.

Við vonum að fólk fjölmenni að gervigrasvellinum á Torfnesi á laugardaginn kl 12 og styðji okkur til sigurs gegn GG.  Þetta verður hörku leikur þar sem bæði liðin ætla sér sigur.

Með BÍ kveðju,  Guðmundur

Já nú þegar leiktíðin sem við erum búnir að bíða eftir í langan tíma hefst eru uppi miklar spurningar um leiktíma leiksinsþví hann hefst klukkan 12 á laugardaginn.  Leikurinn hefur vakið upp miklar spurningar meðal manna því bikarúrslitaleikurinn á englandi byrjar klukkan 13.  KSÍ hefur að beiðni stjórnar BÍ sent fyrirspurn/kröfu um að úrslitaleiknum verði seinkað til kl 15 svo að opnunarleikur A-riðils í 3 deildinni fái að njóta sín fyrir bæjarbúum á Vestfjörðum.  Ákvörðun um þetta verður tekin fyrir hádegi á fimmtudag og munum við hér upplýsa ykkur um gang mála.

Þess má líka geta að leikurinn verður sýndur á sýn sem upphitun fyrir úrslitaleikinn ef honum verður seinkað, svo við getum bara vonað hið besta.

Malholm Glazier kaupir 75% hlut í BÍ88

Samkvæmt frétt frá BBC hefur bandaríski auðkýfingurinn Malcolm Glazier keypt 75% hlut í BÍ88 á ísafirði og hyggst stýra liðinu til mikilla sigra í Evrópu. Stuðningsmenn BÍ hafa mótmælt harðlega yfirtöku Glaziers á liðinu og hafa hótað að mæta ekki á fyrsta leik BÍ gegn GG eða að mæta á leikinn og yfirgefa stúkurnar á Torfnesvelli eftir 70 mín leik. Í viðtali við BBC sagði Glazier að hann hyggðist styrkja lið BÍ með leikmannakaupum. Fyrstur á innkaupalistanum er víst Guðjón Þórðarson sem á að leika stöðu hægri bakvarðar auk þess að verða aðstoðarmaður Örnólfs Oddsonar þegar Halldór Hlöðversson heldur í víking til Egilsstaða. Guðjón er knattspyrnumönnum að góðu kunnugur enda einn besti hægri bakvörður landsinns á árum áður og fær knattspyrnustjóri. Leikmenn BÍ eru hæst ánægðir með komu Malcolm Glazier og búast stærstu stjörnur liðsinns við feitum samningum hjá félaginu þar sem að nægir peningar eru komnir inn í félagið. Fleiri nöfn hafa verið nefnd í sömu andrá og BÍ undanfarið með tilkomu Glaziers en ekkert hefur verið staðfest í þeim málum. Spennandi verður að fylgjast með því hvað gerist á næstu dögum en greinilegt er að stefnan er uppá við hjá hinu stórgóða félagi, Boltafélagi Ísafjarðar.  Stjórn BÍ88 og Glazier vilja þó taka það fram að enginn leikmaður verður seldur frá félaginu og að staða þjálfara sé ekki í hættu.

">">

Verður stemningin svona gegn GG eða verður messufall? Við leikmenn treystum á stuðningsmennina okkar....

Við leikmenn mfl BÍ áttuðum okkur á því í gær á æfingu að við erum núna efstir í A-riðli 3. deildar.  Eins og staðan er núna erum við á leiðinni í úrslitakeppnina um laust sæti í 2. deild að ári.  Við erum taplausir í deildinni og stefnum á að hafa það áfram þannig.  Einnig hefur vörnin haldið hreinu í deildinni það sem af er sumars.  Með þessu áframhaldi verður liðið komið upp í úrvalsdeild áður en langt um líður.  Staðan í deildinni er annars svona:

	Félag	L	U	J	T	Mörk			Net	Stig
1	BÍ	0	0	0	0		:			0
2	Bolungarvík	0	0	0	0		:			0
3	GG	0	0	0	0		:			0
4	Grótta	0	0	0	0		:			0
5	KV	0	0	0	0		:			0
6	Númi	0	0	0	0		:			0
7	Víðir	0	0	0	0		:			0

Frábær árangur hjá liði BÍ en lið Víðis má muna sinn fífil fegurri en liðið var í efstu deild árið 1991 og lengi í 1. deild.

Nú er bara um að gera fyrir stuðningsmenn BÍ að vera duglegir að mæta á leiki og styðja sína menn og sjá topplið riðilsinns að störfum.  Áfram BÍ.

Nú er törn helgarinnar lokið. Vel var tekið á því um helgina og æft af kappi. Heilt yfir var mætingin ágæt þótt að hún hefði mátt vera betri í dag. Það er greinilega erfiðara fyrir suma en aðra að vakna á hádegi. Núna eru innan við 2 vikur í mót, fyrsti leikur er við GG laugardaginn 21. maí á heimavelli og ekkert annað en sigur kemur til greina þar. Til þess að það gangi upp verða allir að leggjast á eitt, mæta vel á æfingar og taka hressilega á því. Þetta á jafnt við um undirritaðan sem og aðra að sjálfsögðu, þarf varla að taka það fram. Flestir lesendur þessarar síður eru á því að BÍ muni vinna A riðil 3. deildarinnar í sumar. Úrslitin urðu sem hér segir: BÍ fékk 57% atkvæða, Víðir 17%, UMFB 13%, Grótta 11% og önnur lið minna. Nú er um að gera að taka þátt í nýjustu könnuninn hér til hliðar á síðunni. Læt þetta gott í bili, kveðja Guðmundur G.

Glæný "Hin hliðin" er mætt á svæðið. Enginn annar en Hondu-Geiri situr fyrir svörum að þessu sinni en þessi smái en knái leikmaður er hressari en aldrei fyrr að þessu sinni. Endilega kíkið á Hina hliðina hér til hliðar og sjáið hvað Geiri hefur til málana að leggja.

Úrslit úr hliðarspikskeppninni

 

 

Arnar Þór Samúelsson bar sigur úr bítum í árlegu hliðarspikskeppni sem fór fram á Broadway um helgina.  Er hann vel að þessum sigri kominn en hann er búinn að undirbúa sig í mörg ár fyrir þessa keppni með því að borða einungis pizzur, hamborgara og annað ruslfæði ásamt því að renna því niður með 8 lítrum af kóki á hverjum degi.  Ekki má gleyma því að Arnar var vikuna fyrir keppnina úti í Tokyo á meðan það var megavika hjá Dominos þar, það hefur eflaust skilað einhverju á hliðaspikið hans sem hefur heillað dómaranna upp úr skónum.  Segja fróðir menn sem hafa fylgst með þessari keppni í áraraðir að þeir hafi aldrei séð annað eins hliðaspik og að magadans atriði Arnars hafi sennilega ráðið úrslitum.  Arnar þakkaði fjölskyldu sinni, kærustu og starfsfólkinu á Dominos í Tokyo árangurinn í þessari keppni.  Verð ég því að játa mig sigraðan í þessari keppni og vil ég óska Arnari til hamingju með sigurinn sem hann átti svo sannarlega skilið.

Enn og aftur mun borg óttans fá að njóta þess að hafa okkur leikmenn BÍ í sinni vörslu yfir eina helgi eða svo.  Nú skal haldið til móts við Egilshöll þar sem okkar næstu fórnarlömb eru leikmenn Íþróttafélags Reykjavíkur.  Leikið verður gegn þeim í Egilshöll á laugardaginn kl 17.00 að staðartíma. Lagt verður af stað eftir hádegi á morgun, föstudag.  Fararskjótar verða í boði Hondu-Geira og El Passat Raggio auk þess sem að okrararnir í Flugfélagi Íslands munu sjá um að ferma sumar prímadonnur til höfuborgarinnar.  Á sunnudaginn verður svo leikið í Fífunni.  Þar verður á hádegi spilaður æfingaleikur gegn HK.  Stuðningsmenn og aðrir aðdáendur okkar leikmanna í BÍ eru auðvitað velkomnir á leikstaði til að bera goðin sín augum.  Bara að fólk muni að gefa okkur smá frið til að spila fótbolta og láti það vera að grýta logandi blysum yfir markmann andstæðingana.  Ekki viljum við fá leikbann fyrir slíkt athæfi.  Allir núna að óska okkur góðs gengis, og hugsið hlýtt til okkar yfir helgina.

">

Hondu-Geiri mun sýna svona takta og marga fleiri í Egilshöll og Fífunni um helgina.  Hann mun einnig fagna því að komast á þrítugsaldurinn á laugardag.  Stráski verður 20 ára á laugardag.  Til hamingju með það Ásgeir.

Með kveðju, Guðmundur

Góðir lesendur nær og fær.  Nú er komin inn glæný innlögn í dagsrkárliðin "Hin hliðin".  Sá sem situr fyrir svörum að þessu sinni er Súgfirðingurinn stæðilegi, Suðureyrar tröllið ógurlega, Samúel Sigurðsson.  Klikkið endilega á "Hin hliðin" hér til vinstri á síðunni og lesið ykkur til um Samma.

Vil minna leikmenn mfl BÍ á að til stendur að hittast á Gamla Apotekinu á morgun, miðvikudag kl 19.00 og horfa á fallslag Chel$ea og Arsenal. Allir að mæta.

Kveðja, Guðmundur.

Mánakaffi Open
Jói Guðna hinn illræmdi stræker og vinstri kantmaður hélt hið víðfræga árlega Mánakaffi Open í Manager síðastliðna helgi. Þáttaka var nokkuð dræm og mætti ekki nokkur maður að Jóa undanskildum.. Jói lét það þó ekki á sig fá og tók bara við öllum 20 liðum ensku úrvaldeildarinnar og gerði Norwich að meisturum.


Laugardagsdjamm
Ýmsir leikmenn BÍ sáust í nánd við Sjallan á laugardagskvöldið og einn þeirra sem mest var á síðum blaðanna eftir helgina var enginn annar en varnarjaxlinn og grunnskólakennarinn Guðmundur Guðjónsson.. eða stuðmundur eins og hann kallar sig inn á milli kennslu er sagður hafa fengið sér um það bil 22 og hálft glas af bjór og var hann nokkuð all suddarlegur eftir þau. Hann sagðist meðal annars hafa átt í tali við vegginn, grænan smáálf, R2D2, jólasveininn. James Bond, Pétur Már og margar aðrar furðuverur

Hér eru úrslitin úr síðustu könnun hjá okkur sem var ,, hvernig lýst þér á nýja hlekkinn okkar" þá er átt við Hin hliðin.

Frábær afþreying

32%

Lýst svo vel á ykkur strákar

37%

Áfram BÍ

32%